كل عام وانتى بخير
يالّلى لسه مشفتكيش
وبرغم إنى طوفت يامَا
ألف قريه فى الفضا
وقَطفت من كل المزارع
غنِوتين
وَسندت َصبرى ع الوجع
مَيل أوى
ولقتنى وسط تراب حطام
كل التجارب بنزرع
(ولكنى لسه مشفتكيش)!
وازاى هشوفك ..وانتى.. أسمى م الهوا ..
لو يلمس الخد البريئ
وانا اللى كلى ..موعظه
..سكنانى من غير ابتسام
وازاى! هيحلى للشفايف تبتسم
والزُهد شالل فكها
وان فكها راح تنضغط
من جرف مو ج نازلها
ما الوقت ضاع .. فى البحث.والتقدير مفيش!
(صفر اليدين)
عنوان بحوث العاشقين .
يوم يخطفوا
.ضل الأميره فوق هبوب الذاريات
والوقت مات
يوم ما العقارب طلعت لينا اللسان
وانا مش جبان
ولكنى زاهد فى النِسا
(م التوريه ,للهندسه
,للشعر وابواب الحذرمن مُحتضَر
.. لاحمال ذنوب تقسِم حَجر)
(أنا بين قوسين)
والزُهد كان ناتج شبع
من دا ودا
للمُرتجع
باقى عليّ خطوتين
ونقول لمين
ما الوصف بان فوق الجبين
حالم أضمك ياللى لسه مشفتكيش
بين
النِسا ملكيش مكان
ولا فى الزمان نبضة حنان
هتساوى ضمه
لضِحتك
وبنَظرتك
ساكنه الخيال السرمدى
والخد لو مال ع القم
ريظهر فى توبه العسجدى
والثغر فيكى (المنطلق)
راح يشرب الخوف م الظمأ
وهتشربينى
بين كؤس الأصدقاء
ما لمحت صوره لشهقتك
أصلك ربيع راح يتولد
من كل أرحام الدفا
ومْن الخَفا تتجسدى
صورة مرايه من صفا
أصل العمل
مش مُحتمل
إنى أشوف أهل السما
وانا لسه بين زُمر المعالم
فى الجوى
يبقى الأمل إنى امتثل
لحظه ميلادك واحضنك
وتدمعى
وتقولى( بابا)
بحب فيك صبر الجَمل
هناك 3 تعليقات:
حمل أجدد وأفضل الأفلام تورنت
http://sando2eldonya.blogspot.com
مبروك المدونة وأهلا بيك بين مدوني طنطا :)
إرسال تعليق